١. علامة النصر فى المؤخرة

إشارات لو عملتها برا هـ 1462472161748.jpg
كلنا عارفين أن لما تعمل حرف الـ V بإيدك (وكفك متصدر للناس) معناها النصر أو السلام. بس فى أستراليا لما تعملها وكف إيد ناحيتك فده معناه خد فى طي*ك!
٢. تخمس فى وش الناس

إشارات لو عملتها برا هـ 1462472217074.jpg
لما حد بـ يحس أن التانى هـ يحسده، فـبـيقعد يخمس فى وشه، بس فى اليونان الحركة دى بتعتبر إهانه، لإنها بترجع للعصور البيزنطية لما كانوا بـ يجيبوا السجناء المربوطين ويمسحوا وشوشهم بالكاكا.
٣. صباع الـ like التايلاندى

إشارات لو عملتها برا هـ 1462472237022.jpg
كلنا بنرفع الإبهام لفوق لما بنحب نتفق على حاجة، أو نقول إنت كده Ok، بس فى تايلاند هـ يفتكروك بتقلل منهم، زى ما تكون بـ تطلع لسانك عليهم. السؤال هنا، لما واحد تايلاندى يعمل لايك لصورة واحدة على الفيس بوك، هـ يكون قصده إيه؟
٤. تعالى هنا

إشارات لو عملتها برا هـ 42137f.gif
لما تروح الفليبن إن شاء الله، وتبقى عايز تنده لحد وتقوله تعالى، فـ تـتنى صوابعك وتشاور بيها ناحيتك … إنت مش بـ تقول له تعالى، إنت بـ تقول له إنت كلب، يعنى إنسان أقل منك.
٥. كله تمام فى *** باكينام

إشارات لو عملتها برا هـ 1462472298802.jpg
لما ما تبقاش عارف تتكلم فرنساوى، وحابب تقول لواحد فرنساوى إنه كله تمام، فـ تعمل دايرة بالسبابة والإبهام، يبقى إنت بـ تقول له إنه زيرو .. ولا حاجة .. ناثنج. بس لو عملت كده فى البرازيل أو ألمانيا .. فانت بـ توصفله خرم ال **ز. وفى تركيا معناها إنك بـ تهين المثليـين. فى كل الأحوال بلاش منها!
٦. ماتحسسـش على رأس حد

إشارات لو عملتها برا هـ 1462472325177.jpg
فى معظم دول أسيا زى كوريا، وسريلانكا، وتايلاند، لما تمسح على رأس حد أو تحط إيدك عليها، يبقى كإنك بـ تحط إيدك فى لامؤاخذه بنطلونه ... البوذيين بـ يعتبروا الراس أكتر حاجة مقدسة ومحدش يـيجى جنبها .. عادى بقى .. حط إيدك فى البنطلون.
٧. قبضة الهلالى

إشارات لو عملتها برا هـ 1462472349581.jpg
لما تقرر تعمل بإيدك قبضة (زى بتاعت الإشتراكيين الثوريين كده) فى باكستان، ما أضمنش اللى ممكن يحصل، لإن معناها بعيد عن الوحدة والقوة وكده. هى بتعنى خد فطيرك.
٨. كل أما اقول له آه، يقول لى هو لأ

إشارات لو عملتها برا هـ 8073af.gif
فى بلغاريا الموضوع تهريج، لما تهز راسك من فوق لتحت معناها لأ، ولما تهزها يمين وشمال معناها آه ..



٨ Yahvhj g, ulgjih fvh iJ j,]d; tn ]hidm !