١- صالح سليم


أشهر ١٠ لعبية كرة مثلوا 1458658769087.jpg
بدأ صالح سليم مشواره مع التمثيل فى فيلم السبع بنات سنة ١٩٦١، وكان بيلعب دور لاعب شيش. وبعدها اتشهر بدوره مع الكلب رورى فى فيلم الشموع السوداء. وبعدها فى فيلم الباب المفتوح. وأنهى مشواره مع السينما واتجه لمجلس إدارة النادى الأهلى.

٢- إكرامى


أشهر ١٠ لعبية كرة مثلوا 1458658838876.jpg حارس مرمى النادى الأهلى السابق، ووالد حارس مرمى الأهلى الحالى شريف إكرامى. ظهر فى عدة أفلام كوميدية، يمكن أشهرها اللى طلع فيها بشخصيته الحقيقية فى الفيلم الشهير يا رب ولد مع سمير غانم، وإسعاد يونس، وفريد شوقى


٣- عادل هيكل


أشهر ١٠ لعبية كرة مثلوا 1458658913682.jpg لسبب ما، فيه علاقة ما بين حراسة مرمى الأهلى والإتجاه للتمثيل. كابتن عادل هيكل برضه كان أحد حراس مرمى الأهلى المشهوريين، وفى رصيده ٣ أفلام ظهر فيها فى أدوار صغيرة. أشهرها طبعا دوره فى فيلم إشاعة حب فى دور زوج هند رستم العصبى الغيور


٤- محمد لطيف


أشهر ١٠ لعبية كرة مثلوا 1458659114984.jpg واحد من أساطير كرة القدم الزمالكوية الملقب بالحاوى، وجيلنا يعرفه كأشهر صوت لمعلق رياضى فى الأفلام القديمة، وصاحب أشهر لزمة فى تاريخ المعلقيين "الكورة أجوال". وكمان مشهور بـشيخ المعلقين. الكابتن لطيف ظهر بشخصية المعلق الرياضى فى أكتر من فيلم. أشهرهم طبعا غريب فى بيتى مع نور الشريف. وفيلم فى الصيف لازم نحب مع صلاح ذو الفقار وسمير غانم


٥- خالد الغندور


أشهر ١٠ لعبية كرة مثلوا 1458659179630.jpg اعتزل كابتن الزمالك لعب الكورة فى نهاية التسعينات وبداية الألفينات، فإتجه للتمثيل وشارك فى أكتر من عمل فنى. ظهر بشخصيته كخالد الغندور مع أشرف عبد الباقى فى راجل وست ستات، وشارك فى أدوار صغيرة مع أحمد الفيشاوى فى الحاسة السابعة، وفى دور أكبر فى فيلم زى الهوا، وبحبك وأنا كمان مع مصطفى قمر


٦- جمال عبد الحميد


أشهر ١٠ لعبية كرة مثلوا 1458659366346.jpg
بعد الإعتزال مباشرة، قرر نجم الزمالك ومنتخب مصر الإتجاه للتمثيل. وقام بدور مشهور مع فيفى عبده فى فيلم الصاغة. وبعدها شارك فى مسرحية دقى يا مزيكا، وفى ٢٠٠٣ شارك فى مسلسل كان يا مكان.

٧- عصام بهيج


أشهر ١٠ لعبية كرة مثلوا 1458660012477.jpg عصام كان نجم وكابتن الزمالك فى الستينات. ولعب دور لعيب الكورة اللى بيتعلق ببنت، وبتأثر عليه وتخليه يفقد مستواه الرياضى فى فيلم حديث المدينة. وفى ٢٠٠٢ كمان قام بدور فخرى باشا الزهار فى مسلسل زمن عماد الدين


٨- السيد جوده


أشهر ١٠ لعبية كرة مثلوا 1458660095618.jpg
نجم الإتحاد السكندرى، وكابتن منتخب مصر فى التلاتينات. أول لاعب كرة مصرى على الإطلاق يشارك فى بطولة فيلم سينمائى. الفيلم اسمه شالوم الرياضى، مع الممثل الشهير وقتها شالوم، والفيلم كله اتصور جوا نادى الاتحاد.

٩- أحمد صلاح حسنى


أشهر ١٠ لعبية كرة مثلوا 1458660173777.jpg كان من لعيبة الأهلى، ومن نجوم منتخب مصر للشباب، وكان متوقع له مستقبل كبير. لكن مجموعة إصابات أنهت مشواره بسرعة مع الكرة فى ٢٠٠٨، واتجه للفن، والتلحين، والتمثيل. ومثل فى مجموعة مسلسلات أجددها السيدة الأولى مع غادة عبد الرازق

٠- شريف عبد المنعم



أشهر ١٠ لعبية كرة مثلوا 1458660256978.jpg

قررت أنهى التقرير بلاعب الأهلى اللى قام بحوالى ١٢ فيلم من أسخف الأدوار فى تاريخ السينما المصرية. من أشهر أدواره دور ضابط شرطة فى قبضة الهلالى، ودوره كظابط إسرائيلى فى الرائعة السينمائية المخيفة فتاة من اسرائيل، وأنهى مشواره الحافل فى ٢٠٠٩ بفيلم فخفخينو
كان حكاية شريف عبد المنعم الحقيقية.



فيه مجموعة تانية من لعيبة الكرة شاركوا لفترات متقطعة فى أفلام، زى طاهر الشيخ، وعلى ماهر من الأهلى. والمجموعة اللى شاركت فى فيلم الزمهلاوية زى عصام الحضرى، وعمرو زكى، وجمال حمزة، ومحمد شوقى، وغيرهم




Haiv ١٠ gufdm ;vm leg,h H],hv tn hgsdklh